समडोळीत 9 मार्च रोजी महामस्तकाभिषेक सोहळा

समडोळी 

येथील जुने समडोळी येथील श्री 1008 भगवान आदीनाथ जिनमंदिर येथे शनिवार 9 मार्च रोजी भव्य महामस्तकाभिषेक सोहळ्याचे आयोजन करण्यात आल्याची माहिती मंदिर कमिटीचे अध्यक्ष रवी खोत आणि इतर सदस्यांनी दिली. 

यावेळी खोत म्हणाले, अतिशय क्षेत्र आदिगिरी येथे श्री 1008 भगवान आदिनाथ मोक्ष कल्याणक दिनानिमित्त शनिवार 9 मार्च रोजी दुपारी 3 वाजता बहनमूर्तीचा महामस्तकाभिषेक होणार आहे. 

यानिमित्त सकाळी 6 वाजता मंगलनिनाद, 8 वाजता ध्वजारोहण, दुपारी 3 वाजता महामस्तकाभिषेक, संध्याकाळी 6 वाजता संगीत आरती आदी कार्यक्रम होणार आहेत. संध्याकाळी शतक महोत्सवी शतक दीपोत्सव 501 दानराशी होणार आहे. प्रति अभिषेक दानराशी 10 हजार रूपये आहे. यावेळी जलाभिषेक, नालिकाराभिषेक, इक्षुरसाभिषेक, धृताभिषेक, दुग्धाभिषेक, दग्धाभिषेक, सर्वोषधीभिषेक, कल्कचुर्णाभिषेक, कषायचूर्णाभिषेक, चतुषकोणाभिषेक, हल्दीभिषेक, चंदनाभिषेक, पुष्पवृष्टी, दीपावतरण, मध्यकलशाभिषेक, मंगलआरती आदी अभिषेक होणार आहेत. 

सकाळी आठ वाजता सौ. व श्री.  नेमिनाथ आप्पासो पाटील केसुरे यांच्याहस्ते ध्वजारोहण होेणार आहे. सर्व श्रावक श्राविकांच्या जेवणाची आणि वाहतुकीची सोय केलेली आहे, तरी याचा लाभ घ्यावा, असे आवाहन यावेळी करण्यात आले आहे. तसेच रविवार 10 रोजी अमावस्या पूजा होणार आहे. या पुजेचे यजमान   सौ. व श्र्री इंद्रजित भूपाळ गळतगे रा. कसबे डिग्रज हे आहेत.